Tuesday 18 May 2021
Home      All news      Contact us      RSS      Russian
svaboda.org - 1 month ago

Улады Расеі выселілі манашак з манастыра, захопленага адлучаным ад РПЦ ігуменам

Судовыя прыставы пачалі прымусова высяляць манашак і насельнікаў зь Сярэднеўральскага манастыра, духоўнікам якога быў адлучаны ад РПЦ схіігумен Сергій (Раманаў). Санкцыю на неадкладнае высяленьне даў суд, спаслаўшыся на парушэньні патрабаваньняў горадабудаўнічага і санітарна-эпідэміялягічнага заканадаўства, а таксама пажарнай бясьпекі. Рашэньне суду было вынесена бяз выкліку прадстаўнікоў манастыра ў суд, заявілі адвакаты Раніцай 14 красавіка ў манастыр прыбылі аўтазакі, а таксама машыны паліцыі і экстранных службаў. Дзьверы ва ўсе памяшканьні манастыра, у тым ліку ў храмы, былі ўкрытыя баўгаркамі.   Манашак вывелі з будынкаў пад канвоем АМАПу. Пазьней стала вядома, што насельніц гатовыя часова разьмясціць на базе адпачынку «Востраў скарбаў» у Екацярынбургу і забясьпечыць харчаваньнем, паведамляе «Інтэрфакс». Улады Сьвярдлоўскай вобласьці заявілі, што там яны могуць знаходзіцца пакуль ня вызначацца, куды накіруюцца далей.   Срэднеўральскі манастыр быў захоплены Сергіем і яго прыхільнікамі вясной 2020 году, пасьля таго як схіігумена забаранілі ў служэньні за тое, што ён адмовіўся падпарадкоўвацца царкоўным уладам, выступіў супраць карантынных мер і супраць расейскіх уладаў — з ультраконсэрватыўных пазыцый. Насуперак забароне РПЦ Сергій працягнуў набажэнствы. Манастыр ўзялі пад ахову ляяльныя Сергію казакі. Пасьля яго арышту ў сьнежні 2020 году яго прыхільнікі далей ўтрымлівалі манастыр. Уладальнік памяшканьняў таксама стаў на бок абшчыны схіігумена. У дачыненьні да схіманаха Сергія распачатыя крымінальныя справы па трох артыкулах — аб схіленьні да самагубства, аб парушэньні права на свабоду сумленьня і веравызнаньня і аб самаўпраўстве.


Latest News
Hashtags:   

Улады

 | 

Расеі

 | 

выселілі

 | 

манашак

 | 

манастыра

 | 

захопленага

 | 

адлучаным

 | 

ігуменам

 | 

Sources