Friday 14 May 2021
Home      All news      Contact us      RSS      Russian
svaboda.org - 30 days ago

Швэцыя абвінаваціла Расею ў кібэратацы на Швэдзкую спартовую канфэдэрацыю

Кібэратакі Галоўнага ўпраўленьня Генштабу Ўзброеных сіл Расеі на Швэдзкую спартовую канфэдэрацыю былі элемэнтамі кампаніі супраць антыдопінгавых агенцтваў, лічыць пракуратура Швэцыі. Пра гэта інфармуе DW. Стакгольм чакае тлумачэньняў. Расейскі пасол у Швэцыі быў выкліканы ў міністэрства замежных спраў каралеўства ў сувязі з расьсьледаваньнем кібэратакі на Швэдзкую спартовую канфэдэрацыю. Ад дыплямата чакаюць тлумачэньняў, паведаміла кіраўнік МЗС Швэцыі Ан Ліндэ ў аўторак, 13 красавіка. Яна абураная «непрымальнымі і сур’ёзнымі парушэньнямі» прыватнасьці дадзеных.   Пракуратура каралеўства ў гэты ж дзень спыніла расьсьледаваньне хакерскіх нападаў, якія Швэдзкая спартовая канфэдэрацыя зазнала са сьнежня 2017 году па травень 2018-га. Рашэньне выклікана адсутнасьцю ўмоў для судовага разбору або экстрадыцыі ў Швэцыю, гаворыцца на сайце ведамства. Паводле дадзеных пракуратуры, да ўзломаў камп’ютэрных сыстэм датычнае Галоўнае ўпраўленьне Генштабу Ўзброеных сіл Расеі (былое ГРУ), а менавіта вайсковая частка № 26165 Мінабароны РФ. Зламысьнікі змаглі атрымаць доступ да мэдычных дадзеных швэдзкіх спартоўцаў. Швэдзкі бок сьцьвярджае, што кібэратакі зьяўляліся элемэнтамі расейскай кампаніі супраць нацыянальных і міжнародных агенцтваў па барацьбе з допінгам, а таксама супраць Міжнароднай фэдэрацыі футбольных асацыяцый (ФІФА).  


Latest News
Hashtags:   

Швэцыя

 | 

абвінаваціла

 | 

Расею

 | 

кібэратацы

 | 

Швэдзкую

 | 

спартовую

 | 

канфэдэрацыю

 | 

Sources