Wednesday 14 April 2021
Home      All news      Contact us      RSS      Russian
svaboda.org - 1 month ago

У Расеі сын былога супрацоўніка НКВД запатрабаваў абараніць рэпутацыю бацькі

Сын былога супрацоўніка НКВД Аляксея Міцюшова зьвярнуўся ў паліцыю з просьбай абараніць рэпутацыю яго бацькі. Гэта здарылася пасьля таго, як яго бацька быў названы забойцам на сайце гісторыка-аматара Дзяніса Карагодзіна, які аднаўляе архіўныя зьвесткі пра рэпрэсіі ў адносінах да свайго прадзеда. Подпіс Аляксея Міцюшова стаіць на акце расстрэлу Карагодзіна-старэйшага. У сваім звароце ў паліцыю сын супрацоўніка НКВД Аляксей Аляксеевіч Міцюшоў заявіў, што на сайце Карагодзіна «разьмешчаныя недакладныя зьвесткі ў дачыненьні да яго бацькі», якія «дыскрэдытуюць яго імя». Пра гэта гаворыцца ў матэрыялах навасібірскага МУС, апублікаваных Карагодзіным. Гісторык у сваю чаргу спасылаецца на прадстаўленыя яму матэрыялы з архіваў ФСБ. Селянін Сьцяпан Карагодзін быў арыштаваны 1 сьнежня 1937 году супрацоўнікамі Томскага гарадзкога аддзелу НКВД, асуджаны Асобай нарадай як «арганізатар шпіёнска-дывэрсійнай групы і рэзыдэнт японскай вайсковай выведкі» і асуджаны да расстрэлу. Пазьней ён быў рэабілітаваны за адсутнасьцю складу злачынства. Яго праўнук ўстанаўліваеь ўвесь ланцужок арганізатараў і выканаўцаў расстрэлу, уключаючы шараговых супрацоўнікаў НКВД, называючы іх удзельнікамі забойства свайго прадзеда. Ён адмовіўся адказваць на большасьць пытаньняў паліцыі, спасылаючыся на артыкул 51 Канстытуцыі, які дазваляе ня сьведчыць супраць сябе.


Latest News
Hashtags:   

Расеі

 | 

былога

 | 

супрацоўніка

 | 

запатрабаваў

 | 

абараніць

 | 

рэпутацыю

 | 

бацькі

 | 

Sources