Friday 5 March 2021
Home      All news      Contact us      RSS      Russian
svaboda.org - 14 days ago

Дэмакраты прадставілі законапраект аб пазбаўленьні Трампа прэзыдэнцкіх прывілеяў

Дэмакраты ўнеьслі ў Палату прадстаўнікоў законапраект, які забараняе хаваць на Арлінгтонскіх нацыянальных могілках былых прэзыдэнтаў, якія «двойчы зазнавалі імпічмэнт», інфармуе «Голас Амэрыкі». Цяпер пад гэтае азначэньне падпадае толькі экс-прэзыдэнт Дональд Трамп. Законапраект таксама забараняе выкарыстоўваць сродкі з фэдэральнага бюджэту для фінансаваньня мерапрыемстваў у памяць пра прэзыдэнтаў, да якіх двойчы прымяняліся працэдуры імпічмэнту. Трамп — адзіны прэзыдэнт у гісторыі ЗША, у дачыненьні да якога двойчы праводзілася расьсьледаваньне аб імпічмэнце. Законапраект таксама абмяжоўвае выкарыстаньне дзяржаўнага фінансаваньня для «стварэньня або дэманстрацыі любых сымбаляў, помнікаў ці статуй» у гонар прэзыдэнтаў, двойчы падвергнутых імпічмэнту, і забараняе называць у іх гонар фэдэральныя будынкі або землі. Кангрэсмэн-дэмакрат ад штату Каліфорнія Лінда Санчэс, якая прадставіла законапраект, зьвязала яго з тым, што экс-прэзыдэнт заахвочваў «расізм і нянавісьць». «Гэты закон гарантуе, каб за нянавісьці не было ніякіх ушанаваньняў: ні будынкаў, ні помнікаў, ні нават лаўкі ў парку», — сказала яна. Рэспубліканка з Ілінойсу Мэры Мілер рэзка асудзіла законапраект, абвінаваціўшы яго аўтараў у апантанасьці Трампам. «Дзе б яго ні пахавалі, падобна, што ён навечна застанецца ў вашых розумах. Нішто так ня сьведчыць пра „адзінства“, як законапраект, накіраваны супраць канкрэтнага чалавека», — напісала яна ў чацьвер у «Твітэры».  


Latest News
Hashtags:   

Дэмакраты

 | 

прадставілі

 | 

законапраект

 | 

пазбаўленьні

 | 

Трампа

 | 

прэзыдэнцкіх

 | 

прывілеяў

 | 

Sources