Monday 9 December 2019
Home      All news      Contact us      Russian
svaboda.org - 9 days ago

Помнік ўласаўцам у Празе, рэкордная канцэнтрацыя парніковых газаў і вернутая хрысьціянская рэліквія

Сем рэчаў, якія мы ўведалі за мінулы тыдзень. Apple выпрацоўвае стандарты пазначэньня межаў спрэчных тэрыторый Пасьля крытыкі за паказ анэксаванага Крыму расейскай тэрыторыі ў прыладах Apple, кампанія мае намер выпрацаваць агульны стандарт пазначэньня спрэчных дзяржаўных межаў.   Раней амбасада Ўкраіны ў Вашынгтоне накіравала ў кампанію патрабаваньне зьмяніць пазначэньне межаў Крыму, а былы кіраўнік зьнешнепалітычнага ведамства Ўкраіны Павал Клімкін заклікаў да байкоту прадукцыі Apple. Фрагмэнт ясьляў Хрыстовых вернуты ў Віфлеем   Папа Рымскі Францішак даў распараджэньне вярнуць у Віфлеем фрагмэнт дрэва, зь якога, як лічыцца, былі зробленыя ясьлі Хрыстовыя. Рэліквія з VII стагодзьдзя захоўвалася ў базіліцы Санта-Марыя Маджорэ ў Рыме. Калісьці яны былі падараваныя партыярхам Ярусаліму Сафроніем папу рымскаму Тэадору I. Аднак вернуты толькі фрагмэнт, асноўная частка рэліквіі застаецца ў Рыме. Цікава, што столь у Санта-Марыя Маджорэ аздобленая золатам, вывезеным Калюмбам зь першай экспэдыцыі на амэрыканскі кантынэнт. Пэсімістычныя прагнозы эколягаў Усясьветная метэрыялягічная арганізацыя заявіла, што канцэнтрацыя парніковых газаў на плянэце дасягнула рэкорднага ўзроўню і на 47% перавышае ўзровень даіндустрыяльнай эпохі. У апошні раз падобная канцэнтрацыя ўглякіслых газаў на Зямлі была 3-5 мільёнаў гадоў таму. Менавіта зьніжэньня шкодных выкідаў у атмасфэру патрабуюць удзельнікі акцыі «Пятніцы дзеля будучыні» (Fridays for Future), якое ініцыявала швэдзкая школьніца Грэта Тунбэрг.   Мадона адмяніла канцэрты Зорка сусьветнай эстрады Мадона вядомая яшчэ і тым, што, нягледзячы на часта эпатажныя паводзіны на сцэне, з павагай ставіцца да арганізатараў канцэртаў; апошнія сьцьвярджаюць, што ад яе практычна не пачуеш нейкіх капрызаў ці неадэкватных патрабаваньняў. Аднак днямі сьпявачка была вымушана скасаваць тры канцэрты ў Бостане, з прычыны, як яна патлумачыла, «невыноснага болю». Раней паведамлялася, што ў Мадоны парваныя зьвязкі калена.   Загадкавая LB-1 Кітайскія навукоўцы выявілі «чорную дзірку» на адлегласьці 15 тысячаў сьветлавых гадоў ад Зямлі, якая парушае ўсе тэорыі нараджэньня і гібелі зорак. Яна важыць у два разы болей, чым аналягічныя зорныя фармаваньні і, паводле навукоўцаў, не павінна была б існаваць. «Чорная дзірка» атрымала назоў LB-1.   Пайшоў з жыцьця патрыярх японскай палітыкі І ня толькі японскай — у 1982-87 гадах на пасадзе прэм’ер-міністра Ясухіра Накасонэ шмат у чым вызначаў палітычны клімат сьвету. Памерлы на 102-м годзе жыцьця, ён істотна ўмацаваў адносіны Японіі з ЗША, быў асабістым сябрам Рональда Рэйгана і аднойчы заявіў, што ў выпадку вайны паміж Амэрыкай і Савецкім Саюзам ператворыць Японію ў «непатапляльны авіяносец».   У Празе можа з’явіцца помнік уласаўцам Кіраўнік праскага раёну Ржэпорье Павал Навотны перадаў у расейскую амбасаду ў Чэскай Рэспубліцы ліст на імя Ўладзімера Пуціна, у якім паведаміў, што ня мае намеру абмяркоўваць узьвядзеньне манумэнту ў памяць байцоў Расейскай вызвольнай арміі («арміі Ўласава»). Раней расейская амбасада крытыкавала ідэю ўзьвядзеньне помніка, палічыўшы гэта гераізацыяй вайсковых злачынцаў. Паводле Навотнага, жыхары раёна падтрымалі стварэньне помніка, паколькі менавіта войска генэрала Ўласава прыйшло на дапамогу ўдзельнікам Праскага паўстаньня і вызваліла супраць нацыстаў заходнія раёны Прагі. Тым часам, прэзыдэнт Чэхіі Мілаш Зэман выказаўся супраць помніка байцам арміі Ўласава.

Related news

Latest News
Hashtags:   

Помнік

 | 

ўласаўцам

 | 

Празе

 | 

рэкордная

 | 

канцэнтрацыя

 | 

парніковых

 | 

газаў

 | 

вернутая

 | 

хрысьціянская

 | 

рэліквія

 | 
Most Popular (6 hours)

Most Popular (24 hours)

Most Popular (a week)

Sources